يوڪرين آمريڪي دٻاءَ تحت اهم معدني وسيلا آمريڪا حوالي ڪرڻ تي راضپو ظاهر ڪري ڇڏيو

يوڪرين جو صدر زيلنسڪي پنهنجي ملڪ جي معدنيات امريڪا تي قربان ڪرڻ لاءِ تيار ٿي ويو. برطانوي ميڊيا دعوى ڪئي ته زيلنسڪي امريڪا سان معاهدو ڪرڻ تي راضي ٿي ويو آحي جنهن تحت ملڪ جي اهم ترين معدني ذخيرن تائين امريڪا کي پهچ ڏني ويندي. ان کان اڳ امريڪا جي صدر ڊونلڊ ٽرمپ روس ۽ يوڪرين جنگ بندي لاءِ يوڪرين کان 500 ارب ڊالر معاوضو طلب ڪندي چيو ته جنگ تي هنن پنهنجو خزانو خرچ ڪيو آهي. صدر ٽرمپ آڏو هٿيار ڦٽا ڪرڻ کان اڳ زيلنسڪي چيو هو ته هو يوڪرين کي دفاع ڪندو ۽ ملڪ کي وڪرو نه ڪندو. برطانوي ميڊيا رپورٽن موجب، يوڪريني صدر زيلنسڪي ملڪ جو وڏو حصو وڃائڻ کانپوءِ هاڻي معدنيات ڏيڻ تي به راضي ٿي ويو.