ٺارو شاهه ويجهو نوجوان مبينا طور عيد جا ڪپڙا نه وٺي ڏيڻ تان آپگهات ڪري ڇڏيو

ٺارو شاهه ويجهو نوجوان مبينا طور عيد جا ڪپڙا نه وٺي ڏيڻ تان آپگهات ڪري ڇڏيو. درٻيلو ۾ نوجوان عبدالرحمان سهاڳ عيد جا ڪپڙا نه وٺي ڏيڻ تي دڪان اندر ڦاهو کائي زندگي جو انت آندو. اطلاع ملڻ بعد پوليس واقعي واري هنڌ پهچي لاش تحويل ۾ وٺي اسپتال پهچايو جتان ضروري ڪارروائي بعد مڙهه وارثن حوالي ڪيو ويو. نوجوان عبدالرحمان سهاڳ جو مڙهه گهر پهچڻ تي ڪهرام مچي ويو. علائقي ۾ ڄوٻول آهن ته نوجوان عيد جا ڪپڙا نه وٺي ڏيڻ تي والد سان ناراض ٿي اهڙو قدم کنيو آهي.