امريڪي پرڏيهي کاتي جي ترجمان چيو آهي ته پاڪستاني سياست جو فيصلو پاڪستاني عوام کي پنهنجي آئين ۽ قانون موجب ڪرڻو آهي، هڪ ڀيرو ٻيهر ورجائن ٿا ته تحريڪ انصاف جي گرفتاري وارو معاملو پاڪستان جو اندروني معاملو آهي.
پاڪستان ۾ ايندڙ عام چونڊن بابت پنهنجي بيان ۾ امريڪي پرڏيهي کاتي جي ترجمان چيو ته پاڪستاني سياست جو فيصلو پاڪستاني عوام کي پنهنجي آئين ۽ قانون موجب ڪرڻو آهي.
هن چيو ته هو ٻين ملڪن جيان پاڪستان تي به زور ڏين ٿا ته آئين ۽ قانون تي عمل ڪن.
پرڏيهي کاتي جي ترجمان موجب، امريڪا پاڪستان سان گھڻن معاملن تي ڪم ڪرڻ لاءِ پرعزم آهي.
ميٿو ملر وڌيڪ چيو ته تحريڪ انصاف جي چيئرمين بابت سندن بيان مختلف نه آهي، سندس گرفتار پاڪستان جو اندروني معاملو آهي، هو پاڪستان ۾ جمهوري اصول، انساني حقن ۽ قانون جي حڪمراني ۽ احترام جو مطالبو ڪن ٿا.
واضع رهي ته وزيراعظم شهباز شريف اڄ قومي اسيمبلي ٽوڙڻ جي سمري صدر عارف علوي کي موڪليندو.
