پاڪستان آمريڪا سان لاڳاپن کي وڏي اهميت ڏئي ٿو: وزيراعظم شهباز شريف

وزيراعظم شهباز شريف آمريڪي صدر جوبائيڊن کي خط جو جواب ڏيندي پاڪستان ۽ آمريڪا وچ ۾ توانائي جي شعبي ۽ گرين الائنس قدمن ۾ سهڪار سٺو سنوڻ قرار ڏنو آهي. وزيراعظم شهباز شريف آمريڪي صدر کي خط جو جواب ڏيندي چيو ته  پاڪستان آمريڪا سان لاڳاپن کي وڏي اهميت ڏئي ٿو، ٻئي ملڪ توانائي، موسمياتي تبديلي، زراعت، صحت ۽ تعليم جي شعبي ۾ اهم قدمن تي گڏجي ڪم ڪري رهيا آهن. وزيراعظم خط ۾ چيو ته ٻنهي ملڪن وچ ۾ توانائي ۽ گرين الائنس قدم ۾ سهڪار سٺو سنوڻ آهي. هن چيو ته پاڪستان آمريڪا سان عالمي امن، سلامتي، خطي جي ترقي توڙي خوشحالي لاءِ گڏيل ٽارگيٽ حاصل ڪرڻ لاءِ گڏجي ڪم ڪرڻ جو خواهشمند آهي….