پي ٽي آءِ سنڌ ۾ ٿيندڙ سينيٽ چونڊن جي بائيڪاٽ جو اعلان

ڪراچي ۾ پريس ڪانفرنس ڪندي پي ٽي آءِ سنڌ جي صدر حليم عادل شيخ چيو ته هو سنڌ ۾ ٿيندڙ سينيٽ اليڪشن ۾ حصو نه وٺندا، موجوده حڪومت هن وقت اجتماعي قبر ۾ دفن ٿيڻ وڃي رهي آهي . هن چيو ته پي ٽي آءِ عام چونڊن ۾ 180 کان وڌيڪ سيٽس تي ڪاميابي حاصل ڪئي پر سندن گهڻيون سيٽس کسيون ويون . حليم عادل شيخ جو چوڻ هو ته هنن سينيٽ ۾ حصو ورتو ۽ سنڌ مان 6 اميدوار سينيٽ اليڪشن ۾ حصو وٺي رهيا هئا پر هاڻي هو سينيٽ اليڪشن ۾ سنڌ مان حصو نه وٺندا . سندس چوڻ هو ته هو 8 فيبروري تي يقين رکن ٿا، 9 فيبروري تي نه، سنڌ ۾ ايندڙ حڪومت پي ٽي آءِ جي هوندي . هن چيو ته سنڌ کي ڪچي ۽ پڪي جي ڌاڙيلن حوالي ڪيو ويو آهي