پاڪستان جي هر وڏي وزير کي هر صوبي اندر پروٽوڪول ملڻ گهرجي : اين پي پي اڳواڻ مسرور جتوئي

اين پي پي اڳواڻ مسرور جتوئي چيو آهي ته پاڪستان جي هر وڏي وزير کي هر صوبي اندر پروٽوڪول ملڻ گهرجي. موري ۾ مسرور خان جتوئي قومي عوامي تحريڪ جي تعلقي صدر اختر حسين جي وفات تي سندس وارثن سان تعزيت بعد ميڊيا سان ڳالهائيندي چيو آهي ته پ پ طرفان ڪي پي جي وڏي وزير کي پروٽوڪول ڏيڻ سٺو سنوڻ آهي. سندس چوڻ هو ته محترمه جي شهادت جي مواقعي تي عوام شهيد محترمه جي ڪري پيپلز پارٽي کي ووٽ ڏنو باقي ٿيل چونڊن ۾ پيپلز پارٽي ڌانڌلي ذريعي اقتدار ۾ آئي آهي. هن جو چوڻ هو ته موجوده حڪومت به ڌانڌلي جي پيدوار آهن، هنن پوري سنڌ جو نقشو تبديل ڪري ڇڏيو آهي، عوام پ پ مان مڪمل طور بيزار ٿي ويو آهي. سندس چوڻ هو ته خيبرپختونخواه جو وڏو وزير جيڪڏهن سندن ضلعي ۾ آيو ته پارٽي صلاح مشورن بعد ڪوبه فيصلو ڪيو ويندو.