پاڪستان دهشتگردي خلاف جنگ ۾ اڳواڻي وارو ڪردار ادا ڪري رهيو آهي: عطا تارڙ

سڌ سماءَ واري وفاقي وزير عطا تارڙ سان آمريڪي سفارتخاني جي انچارج نيٽلي بيڪر ملاقات ڪئي، جنهن دوران ٻطرفن لاڳاپن، ڊجيٽل ميڊيا سهڪار سميت سياحت کي هٿي ڏيڻ ۽ دهشتگردي خلاف پاڪستان جي ڪردار سميت ڪيترن ئي معاملن تي ڳالهيون ڪيون ويون. آمريڪي سفارتخاني جي انچارج جو چوڻ آهي ته پاڪستان جي معيشيت استحڪام ۽ ترقي ٿي رهي آهي، پاڪستان دهشتگردي خلاف جنگ ۾ مثالي قربانيون ڏنيون آهن. سنڌ سماءَ واري وفاقي وزير  چيو ته پاڪستان دهشتگردي خلاف اڻڳڻيون قربانيون ڏنيون آهن جيڪي دنيا جي امن لاءِ ڪاميابي ثابت ٿيون. عطا تارڙ چيو ته پاڪستان دهشتگردي خلاف فرنٽ لائن جو ڪردار ادا ڪري رهيو آهي، پاڪستان قدرتي حسن، ثقافت ۽ تاريخي ورثي سان مالا مال آهي.