پاڪستان شنگهائي سهڪاري تنظيم جي اجلاس لاءِ بهترين انتظام ڪيا آهن: عطا تارڙ

سڌ سماءَ واري وفاقي وزير عطا تارڙ چيو آهي ته پاڪستان شنگهائي سهڪاري تنظيم جي اجلاس لاءِ بهترين انتظام ڪيا آهن، عالمي اڳواڻ ۽ نمائندا پاڪستان مان سٺا تاثر کڻي ويندا. عطا تارڙ جو چوڻ هو ته ايس سي او سربراهي ڪانفرنس پاڪستان لاءِ اعزاز آهي، 27 ورهين بعد ڪو وڏو ايونٽ پاڪستان ۾ ٿي رهيو آهي، وزيراعظم اجلاس ۾ علاقائي سلامتي ۽ موسمياتي تبديلي بابت ڳالهيون ڪيون. عطا تارڙ جو چوڻ هو ته ثقافتي مٽاسٽا کي اڳتي وڌائڻ تمام ضروري آهي، ڪنهن به ملڪ جي عوام ۽ ان جي سافٽ اميج ۾ ثقافت جو اهم ڪردار هوندو آهي. هن چيو ته چائنا، منگوليا، روس ۽ ٻين ملڪن جا ڪلچر سندن ملڪ جي ڪلچر کان ڪافي جدا آهن، هنن دنيا کي محسوس ڪرايو اهي اهڙي فورم جي ميزباني ڪري سگهن ٿا. عطا تارڙ چيو ته سيڙپڪاري وڌي رهي آهي وياج جي شرح وقت سان گڏوگڏ گهٽجي رهي آهي، آءِ ٽي ايڪسپورٽ ۾ واڌ ٿي رهي آهي، معيشت ترقي ڪري رهي آهي. هن چيو ته پاڪستان کي سنگهائي سهڪار تنظيم جي ميزباني جو اعزاز مليو آهي، ڪانفرنس هلي رهيو آهي، عالمي اڳواڻ ۽ وزير ڳالهائي رهيا آهن، ڊپٽي وزيراعظم ۽ پرڏيهي وزير اسحاق ڊار، شنگهائي سهڪار تنظيم جي سيڪريٽري جنرل جوائنٽ پريس ٽيڪ آئوٽ ڪندو