پاڪستان غزا ۾ اسپتال تي ٿيل اسرائيل جي حملي جي سخت مذمت

پاڪستان غزا ۾ اسپتال تي ٿيل اسرائيل جي هوائي حملي جي سخت مذمت ڪئي آهي، پرڏيهي آفيس جي ترجمان جو چوڻ آهي ته اسپتال ۾ زخمي مريضن ۽ پناهه وٺندڙن تي حملو غير انساني فعل آهي، شهري آبادي ۽ ملڪيتن کي نشانو بڻائڻ عالمي قانون جي ڀڃڪڙي ۽ جنگي ڏوهه آهي، عالمي برادري اسرائيلي بمباري روڪرائڻ لاءِ فوري ايڪشن وٺي. پاڪستان غزا ۾ اسپتال تي ٿيل اسرائيل جي هوائي حملي جي سخت مذمت ڪئي آهي. پرڏيهي آفيس جي ترجمان مذمتي بيان  ۾ چيو ته اسپتال ۾ زخمي مريضن ۽ پناهه وٺندڙن تي حملو غير انساني فعل آهي. سندس چوڻ هو ته شهري آبادي ۽ ملڪيتن کي نشانو بڻائڻ عالمي قانون جي ڀڃڪڙي ۽ جنگي ڏوهه آهي. پرڏيهي آفيس جي ترجمان چيو ته عالمي برادري اسرائيلي بمباري روڪرائڻ لاءِ فوري ايڪشن وٺي.