پاڪستان ٽي 20 ورلڊ ڪپ لاءِ 15 رڪني اسڪواڊ جو اعلان ڪري ڇڏيو

ٽي ٽوئنٽي ورلڊڪپ 2024ع لاءِ قومي ڪرڪيٽ ٽيم جي پندرهن رڪني اسڪواڊ جو اعلان ڪيو ويو آهي. پي سي بي جي سليڪشن ڪميٽيءَ ٽي ٽوئنٽي ورلڊڪپ لاءِ  پندرهن رڪني اسڪواڊ جو اعلان ڪيو ويو. اعلانيل اسڪواڊ موجب بابر اعظم کي ڪپتان برقرار رکيو ويو آهي. ٻين رانديگرن محمد رضوان، فخر زمان، افتخار احمد، شاداب خان،  عماد وسيم، محمد عامر، صائم ايوب ۽ شاهين شاهه آفريدي شامل آهن. عثمان خان، ابرار احمد، اعظم خان، حارث رئوف، نسيم شاهه  ۽  محمد عباس آفريدي  پندرهن رڪني  اسڪواڊ جو حصو هوندا. پي سي بي موجب فاسٽ بالر حارث رئوف مڪمل طور فٽ ٿي ويو آهي، جنهن ڪري کيس ورلڊڪپ اسڪواڊ ۾ شامل ڪيو ويو،  آئرلينڊ خلاف پهرين ٽي ٽوئنٽي ۾ ٽيم مان ڊراپ ڪيل شاداب خان به  ٽيم جو حصو هوندو. آئرلينڊ خلاف خراب ڪارڪردگي ڏيکاريندڙ حسن علي ٽيم ۾ جاءِ ٺاهڻ ۾ ناڪام رهيو.