پاڪستان ۽ ترڪيه جي بيمثال دوستي سرحدن يا سٺي خراب وقت جي محتاج ناهي: عطا تارڙ

سڌ سماءَ واري وفاقي وزير عطا تارڙ چيو آهي ته پاڪستان ۽ ترڪيه جي بيمثال دوستي سرحدن يا سٺي خراب وقت جي محتاج ناهي. اسلام آباد ۾ تقريب کي خطاب ڪندي عطا تارڙ چيو ته سندن دوست ملڪن سان سٺا لاڳاپيا آهن، ترڪيه هر ڏکي وقت ۾ پاڪستان جي مدد ڪئي، پاڪستان ۽ ترڪيه ۾ سياحتي شعبي ۾ سهڪار جا وسيع موقعا موجود آهن. سندس چوڻ هو ته پاڪستان ۽ ترڪيه وچ ۾ ثقافتي رابطن کي هٿي وٺرائڻ جي ضرورت آهي، ثقافتي سهڪار کي هٿي وٺرائڻ لاءِ عوامي رابطن کي وڌائڻو پوندو. سڌ سماءَ واري وفاقي وزير عطا تارڙ چيو ته پاڪستان ۽ ترڪيه جا لاڳاپا وقت سان گڏ مضبوط ٿيندا پيا وڃن، ٻنهي ملڪن جي عوام جو هڪٻئي سان لڳاءُ آهي.