پاڪستان ۾ نئين حڪومت ٺهڻ اندروني معاملو آهي : ميٿيو ملر

پاڪستان ۾ سياسي پارٽين وچ ۾ حڪومت ٺاهڻ واري معاملي تي آمريڪا جو ردعمل به سامهون اچي ويو آهي. آمريڪي راڄڌاني واشنگٽن ۾ پريس ڪانفرنس ڪندي آمريڪي پرڏيهي کاتي جي ترجمان ميٿيو ملر چيو ته پاڪستان ۾ اتحادي حڪومت جو  قيام پاڪستان جو اندروني معاملو آهي ۽ هو پاڪستان جي اندروني معاملن ۾ مداخلت نٿا ڪرڻ چاهين. سندن چوڻ هو ته پاڪستان اليڪشن بابت ڌانڌليءَ جون ويڊيوز ڏٺيون آهن، هو چاهين ٿا ته ڌانڌلي ۽ فراڊ جي شفاف جاچ ٿئي. هن وڌيڪ چيو ته عام چونڊن ۾ مداخلت ۽ ڌانڌلي الزامن جي جاچ پاڪستان جي آئين ۽ قانون موجب ٿيڻ گهرجي..