پاڪ بحريه جي جهاز يرموڪ اتر  عربي سمنڊ ۾ منشيات خلاف ڪامياب آپريشن ڪندي 380 ڪلو قيمتي منشيات ضبط ڪري ورتي

پاڪ بحريه جي جهاز يرموڪ اتر  عربي سمنڊ ۾ منشيات خلاف ڪامياب آپريشن ڪندي 380 ڪلو قيمتي منشيات ضبط ڪري ورتي. آءِ ايس پي آر طرفان جاري ڪيل بيان موجب، پي اين ايس يرموڪ ڳجهي اطلاع تي اتر  عربي سمنڊ ۾ آپريشن ڪيو. آءِ ايس پي آر موجب، ضبط ڪيل منشيات جي عالمي مارڪيٽ ۾ قيمت هزارين ڊالرز آهي. پاڪ فوج جي ترجمان موجب، ڪامياب آپريشن پاڪ بحريه جي سمنڊ ۾ اثرائتي نگراني جو نتيجو آهي. آءِ ايس پي آر جو وڌيڪ چوڻ آهي ته پاڪ بحريا جا جهاز منشيات، اسمگلنگ ۽ انساني اسمگلنگ جي روڪٿام لاءِ باقاعدگي سان فرض سر انجام ڏيندا آهن.