پاڪ سامونڊي فوج، جاپان ۽ اسپين جي سامونڊي جهازن سان گڏيل مشقون

سامونڊي فوج جي جهاز پي اين ايس اصلت هندي سمنڊ ۾ جاپان ۽ اسپين جي سامونڊي جهازن سان گڏيل مشقون ڪيون. پي اين ايس اصلت ريجنل ميري ٽائم سڪيورٽي پٽرول دوران جاپان ميري ٽائم ڊفينس فورس جي جهاز سازا سان سامونڊي مشقون ڪيون. ان دوران سامونڊي فوج جي جهاز پي اين ايس اصلت اسپين جي سامونڊي جهاز ايس پي ايس ڪينارس سان به سامونڊي مشق ۾ شامل رهيو. سامونڊي فوج جي ترجمان موجب مشقن جو مقصد خطي ۾ موجود سامونڊي فوج وچ ۾ ٻطرفن لاڳاپن کي مضبوط بڻائڻ ۽ ٻطرفو سهڪار وڌائڻ آهي.