- Advertisement -
پنجاب جي وزيراعليٰ مريم نواز ارشد نديم لاءِ 10 ڪروڙ رپيا انعام جو اعلان ڪيو آهي.
جاري ڪيل بيان ۾ مريم نواز چيو ته ارشد نديم جشن آزاديءَ تي پيرس اولمپڪس ۾ گولڊ ميڊل کٽي قوم کي تحفو ڏنو آهي.
هن چيو ته قوم طرفان ارشد نديم کي 10 ڪروڙ رپيا انعام ڏئي هو سندس ٿورا مڃي رهيا آهن.
مريم نواز ارشد نديم جي نالي سان منسوب اسپورٽس سٽي به بڻائڻ جو اعلان ڪيو.
سندس چوڻ هو ته ميان چنو ۾ ارشد نديم اسپورٽس سٽي ٺهندي، ارشد نديم سمورين ڏکيائين کي منهن ڏيندي 40 ورهين بعد پاڪستان لاءِ گولڊ ميڊل کٽيو آهي ۽ اولمپڪس ۾ نئون رڪارڊ پڻ ٺاهيو آهي.
مريم نواز چيو ته ارشد نديم کي 10 ڪروڙ رپيا روڪ رقم انعام ڏنو ويندو- Advertisement -
