پوليس ملازمن جي ڀلائي ۽ ترقي سندس ترجيحن ۾ شامل آهي: آءِ جي سنڌ رفعت مختار

آءِ جي سنڌ رفعت مختار چيو آهي ته پوليس ملازمن جي ڀلائي ۽ ترقي سندس ترجيحن ۾ شامل آهي، ڪمپيوٽر تي عبور رکندڙ اي ايس آءِ  يا سپاهيءَ کي ٿاڻي جو هيڊمحرر مقرر ڪيو ويندو.

آءِ جي سنڌ جي صدارت هيٺ سي سي پي او جي اسٽاف آفيسرن جو اجلاس ٿيو.

رفعت مختيار اسٽاف آفيسرن کي ڏنل ٽاسڪ بعد  وڌيڪ هدايتون ڏنيون.

آءِ جي سنڌ جو چوڻ هو ته سپاهيءَ کان انسپيڪٽرن تائين جيتريون به ترقيون آهن، انهن تي فور طور ڪم ڪيو ويندو.

هن چيوته انسپيڪٽر رينڪ جا ويجهو رٽائر ٿيندڙ آفيسرن کي سينارٽي جي حساب سان پروموٽ ڪيو ويندو.

آءِ جي سنڌ چيو ته دستياب ڪمپيوٽرن کي ٽريننگ برانچ ۽ ڪراچي  پوليس ۾ ورهايو ويندو، خراب گاڏين ۽ موٽرسائيڪلن جي مرمت ڪري انهن کي استعمال جوڳو بڻايو ويندو