پوليس ۽ رينجرز طرفان خانپور ۽ ڪشمور جي ڪچي وارن علائقن ۾ ڌاڙيلن خلاف آپريشن، مغوي بازياب

شڪارپور پوليس ۽ رينجرز طرفان خانپور ۽ ڪشمور جي ڪچي وارن علائقن ۾ ڌاڙيلن خلاف آپريشن دوران پنجاب واسي کي بازياب ڪرائڻ جي دعويٰ ڪئي وئي آهي. ايس ايس پي شڪارپور جو چوڻ آهي ته ڏوهارين خلاف پوليس ۽ رينجرز جو آپريشن جاري آهي. هن چيو ته خانپور ۽ ڪشمور جي ڪچري ۾ پوليس ۽ رينجرز طرفان ڌاڙيلن خلاف گڏيل آپريشن جاري آهي، آپريشن دوران پنجاب واسي علي بخش پنجابي کي بازياب ڪرايو ويو آهي. ايس ايس پي شڪارپور جو چوڻ آهي ته پوليس ۽ رينجرز طرفان ڌاڙيلن خلاف انٽيليجنس بيسڊ ڪارروايون جاري آهن. هن چيو ته ڏوهارين وٽ قيد سمورن مغوين کي حفاظت سان بازياب ڪرايو ويندو. ايس ايس پي شڪارپور جو چوڻ هو ته ڏوهارين کي آخري انجام تائين پهچائڻ لاءِ پوليس ۽ رينجرز جون گڏيل ڪارروايون جاري آهن.