پيپلزپارٽيءَ ارسا ايڪٽ ۾ ترميم جي مخالفت ڪرڻ جو اعلان

پيپلزپارٽيءَ ارسا ايڪٽ ۾ ترميم جي مخالفت ڪرڻ جو اعلان ڪيو آهي. سنڌ ٽي وي نيوز جي پروگرام بهائينڊ دي نيوز ۾ اينڪر شڪيل سومري سان ڳالهائيندي پ پ سنڌ جي صدر نثار کهڙي چيو ته پيپلزپارٽي جي قيادت کي سنڌ جي ماڻهن جي جذبن جو احساس آهي، ارسا ايڪٽ ۾ ترميم جو فيصلو پارليامينٽ ۾ ئي ڪري سگهجي ٿي. هن چيو ته صدر ارسا ايڪٽ ۾ ترميم جي سلسلي ۾ گڏجاڻي ضرور ڪئي هوندي پر قطعي فيصلو نه ڪيو آهي، قطعي فيصلو پارليامينٽ ڪندي آهي. نثار احمد کهڙي چيو ته ارسا ايڪٽ تي موقف ڏيڻ وڏي وزير ۽ آبپاشي واري صوبائي وزير جي ذميواري آهي. پ پ سنڌ جي صدر چيوته  ڪالاباغ ڊيم رٿا سخت جدوجهد ڪئي ۽ جنهن ڪري اها رٿا رد ٿي، ارسا ايڪٽ به منظور ٿيڻ نه ڏنو ويندو.