ارسا ايڪٽ ۾ امڪاني ترميم خلاف ايس يو پي سنڌ جي اهم سياسي ڌرين سان رابطا ڪيا آهن. سنڌ جي قومپرست توڙي پارلياماني سياست ڪندڙ اهم پارٽين ۾ 10 سيپٽمبر تي اهم گڏجاڻي ڪوٺائڻ تي اتفاق ٿيو آهي. سيد زين شاهه زوم ذريعي هنگامي گڏجاڻي ڪري اهم اڳواڻن سان رابطا ڪيا. مسلم ليگ فنڪشنل جي جنرل سيڪريٽري سردار رحيم، پيپلز ورڪرز پارٽي جي صدر ڊاڪٽر صفدر عباسي، سنڌ ترقي پسند پارٽي جي چيئرمن ڊاڪٽر قادر مگسي سان رابطا ڪيا ويا. جيئي سنڌ محاذ جي مرڪزي چيئرمن رياض چانڊيو، تحريڪ انصاف سنڌ جي جنرل سيڪريٽري علي پلهه، عوامي جمهوري پارٽي جي مرڪزي جنرل سيڪريٽري لال شاھ ۽ قومي عوامي تحريڪ جي مرڪزي صدر اياز پليجو سان به رابطو ڪيو ويو. وڊيو ڪانفرنس ۾ فيصلو ڪيوويو ته 10 سيپٽمبر تي منجهند جو ۱ بجي ڪراچي ۾ فنڪشنل هائوس تي گڏجاڻي ڪئي ويندي. گڏجاڻي کان پوءِ ارسا ايڪٽ ۾ امڪاني تبديلي جو مڪمل جائزو وٺڻ بعد آئينده جي گڏيل حڪمت جو اعلان پريس ڪانفرنس ۾ ڪيو ويندو…….