پي ٽي آءِ باني جي اڪائونٽ تان شيخ مجيب الرحمان جي وڊيو اپلوڊ ٿيڻ واري معاملي جي جاچ جاري

پي ٽي آءِ باني جي اڪائونٽ تان شيخ مجيب الرحمان جي وڊيو اپلوڊ ٿيڻ واري معاملي جي جاچ لاءِ ايف آءِ اي  بئريسٽر گوهر، عمر ايوب ۽ رئوف حسن کي نوٽيس جاري ڪندي گهرائي ورتو آهي. پي ٽي آءِ باني جي اڪائونٽ تان شيخ مجيب الرحمان جي وڊيو اپلوڊ ٿيڻ واري معاملي جي جاچ جاري آهي. ايف آءِ اي پي ٽي آءِ بانيءَ کانپوءِ بئريسٽر گوهر، عمر ايوب ۽ رئوف حسن کي نوٽيس جاري ڪندي اڱاري ڏينهن يارهين وڳي پڇاڳاپا لاءِ طلب ڪري ورتو. نوٽيس ۾ چيو ويو ته پي ٽي آءِ بانيءَ جي آفيشل اڪائوڻٽ تان رياست ۽ رياستي ادارن خلاف عوام کي چڙ ڏيارڻ جي ڪوشش ڪئي وئي. جاري ڪيل نوٽيس ۾ چيو ويو ته ان ڪوشش سان عوام ۾ خوف ۽ بي چيني پکڙجڻ جو خدشو آهي، ان عمل سان عوام کي رياست ۽ ادارن خلاف قانون هٿ ۾ کڻڻ لاءِ  به ڀڙڪائي  سگهجي ٿو……….