پي ٽي آءِ باني ۽ اسرائيل جي ملي ڀڳت ايس سي او سي ڪانفرنس ناڪام بڻائڻ لاءِ سرگرم آهي:شرجيل انعام ميمڻ

سنڌ جي سينيئر وزير شرجيل انعام ميمڻ چيو آهي ته پي ٽي آءِ باني ۽ اسرائيل جي ملي ڀڳت ايس سي او سي ڪانفرنس  ناڪام بڻائڻ لاءِ سرگرم آهي، تحريڪ انصاف قيادت ملڪ دشمن ايجنڊا تي عمل ڪري رهي آهي، پي ٽي آءِ باني چيني صدر جو دورو ملتوي ڪرڻ جي سازش جو حصو رهيو آهي، پي ٽي آءِ کي تل ابيب مان پاليسيون، هدايتون ۽ حمايت ملي رهي آهي. جاري ڪيل بيان ۾ شرجيل انعام ميمڻ چيو ته تحريڪ انصاف باني ۽ اسرائيل جي ملي ڀڳت ايس سي او سي ڪانفرنس ناڪام بڻائڻ لاءِ سرگرم آهي، پي ٽي آءِ باني پاڪستان ۾ سياسي نه پر يهودي مفادن جي تحفظ لاءِ ڪم ڪري رهيو آهي. سندس چوڻ هو ته  تحريڪ انصاف باني جو تل ابيب سان رابطا ملڪ دشمن طاقتن طرفان ايس سي او کي ناڪام بڻائڻ جي ڪوششن جو حصو آهن، پي ٽي آءِ ۽ اسرائيل جي ملي ڀڳت پاڪستان جي قومي مفادن تي سوديبازي آهي. سنڌ جي سينيئر وزير شرجيل انعام ميمڻ چيو ته ماضي ۾ به پي ٽي آءِ باني پاڪ چين دوستي کي نقصان پهچائڻ لاءِ چيني صدر جي دوري کي نقصان پهچائڻ جي سازش جو حصو رهيو آهي، تحريڪ انصاف قيادت ملڪ دشمن ايجنڊا تي عمل ڪري رهي آهي، پي ٽي آءِ ملڪي سلامتي ۽ خودمختاري تي ملڪ دشمن مفادن کي ترجيح ڏيندي آهي. هن چيو ته تحريڪ انصاف جو ٿنڪ ٽينڪ هن وقت تل ابيب ۾ ويٺل آهي ۽ پاڪستان خلاف سازشن ۾ رڌل آهي، پي ٽي آءِ جا اهم پاليسي صلاحڪار اسرائيل ۾ ويٺل آهن جيڪي ملڪ کي ڪمزور ڪرڻ لاءِ سرگرم آهن، پي ٽي آءِ کي تل ابيب مان پاليسيون، هدايتون ۽ حمايت ملي رهي آهي. سنڌ جي سينيئر وزير چيو ته پرڏيهي لابنگ لاءِ تل ابيب ۾ تحريڪ انصاف جا مددگار مسلسل متحرڪ آهن، پرڏيهي طاقتن طرفان پي ٽي آءِ جي مدد جو مقصد ملڪ ۾ سياسي عدم استحڪام پيدا ڪرڻ، ملڪ جي اقتصادي ۽ سفارتي ترقي کي نقصان پهچائڻ آهي. شرجيل انعام ميمڻ چيو ته پاڪستاني ڄائي صادق خان جي ڀيٽ ۾ زيڪ گولڊ سمٿ جي حمايت تحريڪ انصاف باني ۽ اسرائيل جي ملي ڀڳت جو ثبوت آهي، فلسطين تي اسرائيلي جارحيت خلاف اي پي سي ۾ تحريڪ انصاف جي عدم شرڪت پي ٽي آءِ ۽ اسرائيل جي ملي ڀڳت کي وائکو ڪيو.