پي ٽي آءِ جو چيف اليڪشن ڪمشنر خلاف خط

پي ٽي آءِ چيف اليڪشن ڪمشنر ۽ ميمبرن خلاف سپريم ڪورٽ جوڊيشل ڪائونسل ۾ شڪايت داخل ڪرائيندي موقف اختيار ڪيو آهي ته اڻ چونڊيل ماڻهن کي اقتدار سونپي عوام جي بنيادي حقن جي ڀڃڪڙي ڪئي وئي آهي. پي ٽي آءِ باني ۽ سيڪريٽري جنرل پاران داخل ڪرايل درخواست ۾ چيو ويو ته سمورين خاطرين باوجود اليڪشن ڪميشن اليڪشن مئنجمينٽ سسٽم کي فعال ڪرڻ ۾ مڪمل طور تي ناڪام رهيو، عوام جي بنيادي حقن جي ڀڃڪڙي ڪندي اڻ چونڊيل ماڻهن کي اقتدار سونپيو ويو. درخواست ۾ چيو ويو ته اليڪشن واري ڏينهن چونڊ نتيجا جاري ڪرڻ کان اڳ پي ٽي آءِ جي پولنگ ايجنٽن کي پولنگ اسٽيشنن مان زبردستي ٻاهر ڪڍيو ويو، چونڊن کان اڳ پي ٽي آءِ جي اڳواڻن کي اغوا ڪري پارٽي ڇڏڻ تي مجبور ڪيو ويو. درخواست ۾ استدعا ڪئي وئي آهي ته چيف اليڪشن ڪمشنر ۽ ميمبرن خلاف جلد کان جلد ڪارروائي ڪئي وڃي، جيڪڏهن الزام سچ ثابت ٿين ته چيف اليڪشن ڪمشنر ۽ ميمبرن کي سندن عهدن تان هٽايو وڃي…