- Advertisement -
پي ٽي آءِ جي باني جا لاهور ۽ ميانوالي جي قومي تڪن تي نامزدگي فارم رد ٿي ويا، جڏهن ته شاهه محمود قريشي، فواد چوڌري، حماد اظهر، اسد قيصر، ياسمين راشد، فهميده مرزا، سردار اختر مينگل، قاسم سوري، اعظم سواتي ۽ ٻين جا نامزدگي ڪاغذ ٿي ويا آهن.
8 فيبروري تي رٿيل عام چونڊن جو ڪاغذن جي ڇنڊڇاڻ وارو مرحلو به مڪمل ٿي ويو، پي ٽي آءِ باني سميت ڪيترن ئي اهم اڳواڻن جا نامزدگي فارم رد ٿي ويا آهن.
لاهور جي رٽرننگ آفيسر اين ايَ 122 تي محفوظ ٿيل فيصلو ٻڌايو.
اين اي 122 تي پي ٽي آءِ باني جي نامزدگي ڪاغذن تي ن ليگ اڳواڻ ميان نصير اعتراض واريا هئا.
اعتراضن ۾ چيو ويو هو ته پي ٽي آءِ باني جي تجويز ۽ تاعيد ڪندڙ اين ايَ 122 جا ناهن، پي ٽي آءِ باني توشا خانا ڪيس ۾ نااهل آهي.
رٽرننگ آفسير اعتراض منظور ڪندي پي ٽي آءِ چيئرمين جا نامزدگي ڪاغذ رد ڪري ڇڏيا.
اين اي 89 ميانوالي تي به پي ٽي آءِ بانيءَ جا نامزدگي ڪاغذ رد ڪيا ويا آهن.
پي ٽي آءِ جي اڳوڻي وائس چيئرمين ۽ پرڏيهي وزير شاهه محمود قريشي ملتان جي اين اي 151۽ ٿرپارڪر جي قومي تڪ اين اي 214 تي نامزدگي ڪاغذ رد ڪيا ويا آهن.
شاهه محمود قريشي جي پٽ زين قريشي ۽ نياڻي مهربانو جا به ٿرپارڪر جي قومي تي 214 تي نامزدگي ڪاغذ رد ڪيا ويا آهن.
ان کانسواءِ قومي اسيمبلي جي اڳوڻي ڊپٽي اسپيڪر قاسم سوري جا نامزدگي ڪاغذ رد ڪيا ويا.
اين اي 130 تي پي ٽي آءِ اڳواڻ ياسمين راشد جا نامزدگي ڪاغذ به رد ٿي ويا آهن.
قومي اسيمبلي جي اڳوڻي اسپيڪر اسد قيصر جا نامزدگي فارم به رد ٿي ويا.
بي اين پي مينگل جي سربراهه سردار اختر مينگل جا به اين اي 264 ۽ صوبائي تڪ پي بي 20 تي نامزدگي ڪاغذ رد ڪيا ويا آهن.
رٽرننگ آفيسر موجب سردار اختر مينگل وٽ اقامو آهي، جنهن ڪري ٻنهي تڪن تي سندس نامزدگي ڪاغذ رد ڪيا ويا آهن.
بدين جي قومي تڪ اين ايَ 223 تي جي ڊي ايَ اميدوار فهميده مرزا، سندس مڙس ذوالفقار مرزا ۽ پٽ حسام مرزا جا به فارم رد ڪيا ويا.
اين اي 15 مانسره تي پي ٽي آءِ جي اعظم سواتي ۽ اين اي 50 اٽڪ تي ذلفي بخاريءَ جا نامزدگي ڪاغذ رد ڪيا ويا آهن، جڏهن ته اين اي 129 تي حماد اظهر ۽ محمد علي خان جا اين اي 23 تي نامزدگي فارم رد ڪيا ويا.
اڳوڻي وفاقي وزير فواد چوڌريءَ ۽ سندس گهرواري حبا فواد جا نامزدگي فارم به رد ٿي ويا آهن.
قومي اسيمبلي جي تڪ اين اي 121 تي مسرت جشميد ۽ سندس مڙس اقبال چيما جا نامزدگي فارم رد ڪيا ويا- Advertisement -
