- Advertisement -
پ پ چيئرمين بلاول ڀٽو زرداري پاران پوليس جي شهيدن جي ڏهاڙي تي فرض لاءِ جانيون قربان ڪندڙ پوليس جي شهيدن کي ڀيٽا پيش ڪئي.
پ پ چيئرمين بلاول ڀٽو زرداري پوليس جي شهيدن جي ڏينهن تي جاري ڪيل پيغام چيو آهي ته قانون جي حڪمراني ۽ شهرين جي حفاظت لاءِ پوليس شهيدن جون قربانيون مثالي آهن.
هن چيو ته چئني صوبن جي پوليس اهلڪارن دهشتگردي خلاف جنگ به بهادري سان وڙهي آهي، پوليس جي شهيدن جون قربانيون ڪنهن به صورت ۾ ضايع نه ٿينديون.
پ پ چيئرمين چيو ته قانون جي حڪمراني ۽ شهرين جي حفاظت لاءِ پوليس جون قربانيون بي مثال آهن.
هن چيو ته پوليس جا جوان جذبي سان ملڪ ۽ عوام جي خدمت ڪري رهيا آهن، پيپلزپارٽي شهيدن جي ڪٽنب سان همدردي جو اظهار ڪري ٿي.
بلاول ڀٽو زرداري جو چوڻ آهي ته پيپلزپارٽي قانون لاڳو ڪندڙ ادارن جي ڀلائي ۽ حمايت جو عزم رکي ٿي……….- Advertisement -
