ڀارتي ماڊل ۽ اداڪارا راکي ساونت جي اڳوڻي مڙس عادل خان دراني ٻي شادي ڪئي

ڀارتي ماڊل ۽ اداڪارا راکي ساونت جي اڳوڻي مڙس عادل خان دراني رئيليٽي شو ب باس 12 جي اميدوار سومي خان سان شادي ڪري ڇڏي. عادل خان پنهنجي شادي بابت ڀارتي ميڊيا تي هلندڙ خبرن جي تصديق ڪندي انسٽاگرام تي سومي خان سان شادي جي تصوير شيئر ڪئي. عادل خان پنهنجي پوسٽ ۾ لکيو ته اسان اهو اعلان ڪندي تمام گهڻا خوش آهيون ته اسان هڪ سادي ۽ خوبصورت تقريب ۾ نڪاح ڪيو، پنهنجي مٽن مائٽن ۽ دوستن جي محبت ۽ سهڪار جا به ٿورائتا آهيون، عادل خان پنهنجي پوسٽ ۾ خوشگوار زندگي جي لاءِ دعائن ۾ ياد رکڻ جي به درخواست ڪئي. عادل خان جي پوسٽ ۾ سومي خان سان شادي جي تاريخ 3 مارچ 2024 لکيل آهي. شادي بعد ڀارتي ميڊيا کي ڏنل انٽرويو ۾ عادل خان انڪشاف ڪيو ته اها سندس پهرين شادي آهي. واضح رهي ته عادل خان دراني ۽ راکي ساونت 2022ع ۾ نڪاح ڪيو هو جنهن جو انڪشاف راکي ساونت 2023 ۾ ڪيو پر شادي جي شروعات ئي تڪرار جو شڪار رهي ۽ بعد ۾ فيبروري 2023ع ۾ عادل کان ڌار ٿيڻ جو اعلان ڪيو…..