چوٽياريون واقعي جو ڪيس داخل ٿيڻ باوجود سانگهڙ پوليس واقعي ۾ ملوث مک جوابدارن کي گرفتار نه ڪري سگهي

چوٽياريون واقعي جو ڪيس داخل ٿيڻ باوجود سانگهڙ پوليس واقعي ۾ ملوث مک جوابدارن کي گرفتار نه ڪري سگهي، جڏهن ته  علائقي ۾ سوڳ جي لهر برقرار آهي. چوٽياريون واقعي جو ڪيس داخل ٿيڻ باوجود ڪابه اڳڀرائي ناهي ٿي سگهي. سانگهڙ پوليس پ پ ايم اين اي علائو الدين جوڻيجو جي ويجهي مائٽ ڪيس جي مک جوابدار عطا الله جوڻيجو ۽ سندس پٽ علي حسن جوڻيجو کي گرفتار ڪرڻ لاءِ ڪابه ڪارروائي نه ڪئي. چوٽياريون جي ڳوٺ جاني ۾ سوڳ جي لهر برقرار آهي. ڪيس جي جاچ آفيسر ولي محمد ڀنڀري رابطو ڪرڻ تي ٻڌايو ته  جوابدارن جي گرفتاري لاءِ کپري ۾ ڇاپا هنيا ويا آهن. هن چيو ته  جوابدارن جي گرفتاري ڊي ايس پي جي اڳواڻي ۾ ٽيم جوڙيل آهي جيڪا مختلف علائقن ۾ ڇاپا هڻي رهي آهي.