ڇاڇرو:ڊي ايڇ او ٿرپارڪر جو ايمبولينس ڏيڻ لاءِ انٽيگريٽڊ ايمرجنسي هيلٿ سروس کي خط

ڊي ايڇ او ٿرپارڪر پاران ڇاڇرو اسپتال کي ايمبولينس ڏيڻ بابت سي اي او  سنڌ انٽيگريٽيڊ ايمرجنسي ھيلٿ سروسز کي خط لکي ايمبولينس ڏيڻ جي گهر ڪئي آهي. صحت کاتي جي ضلعي آفيسر ڊاڪٽر ليکراج سارنگهاڻي اختيارين کي خط لکي ڇاڇرو جي اسپتال لاءِ ايمبولينس ڏيڻ جي گهر ڪندي ڄاڻايو آهي ته ڇاڇرو جي اسپتال ۾ ٿر جي ڪيترن علائقي جا مريض اچن ٿا جن کي سهولتون ڏيڻ لا ايمبولينس ناهي. هن لکيو ته سموري ضلعي جي اڌ آبادي جي علاج لاءِ ڇاڇرو جي تعلقي اسپتال اچي ٿي، جتي فوري طور ايمبولينس فراهم ڪئي وڃي. ڊي ايڇ او خط ۾ لکيو ته ڇاڇرو جي تعلقي اسپتال ۾ ايمبولينس جي کوٽ سبب روزانو سوين مريض ڳرا ڀاڙا ڀري وڏين اسپتالن تائين پهچن ٿا.