ڇور: ڳوٺ حويلي سميجا ۾ نوجوان آپگهات ڪري ڇڏيو

 ڇور ويجهو نوجوان مبينا طور ڦاهو کائي آپگهات ڪري ڇڏيو آهي.

 ڳوٺ حويلي سميجا ۾  24 ورهين جي رفيق سميجو گهر اندر ڦاهو کائي زندگيءَ جو انت آندو.

اطلاع تي پوليس واقعي واري هنڌ پهچي نوجوان جو لاش کڻائي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪري ڇڏيو.

علائقي واسين جو چوڻ آهي ته ڪجهه ڏينهن اڳ نوجوان پنجاب مان پسند جو پرڻو ڪري آيو هو، مائٽن پاران ناري واپس موٽائڻ تي هن انتهائي قدم کنيو آهي.

نوجوان جو لاش گهر پهچائڻ تي گهر ڀاتين ۾ ڪهرام مچي ويو.