- Advertisement -
ڪي پي ۾ ٽن مختلف واقعن ۾ 3 جوان شهيد ۽ 2 دهشتگرد مارجي ويا.
آءِ ايس پي آر طرفان جاري ڪيل بيان ۾ چيو ويو ته ڊي آءِ خان جي علائقي روڙي ۾ ڳجهي ڄاڻ جي بنياد تي آپريشن ڪيو ويو، جنهن دوران هڪ دهشتگرد مارجي ويو ۽ 2 زخمي ٿي پيا، مارجي ويل دهشتگرد جي سڃاڻپ اساما نالي ٿي آهي.
پاڪ فوج جي ترجمان موجب دهشتگرد اساما هڪ وڏي شخصيت کي آپگهاتي حملي ۾ نشانو بڻائڻ وارو هو.
آءِ ايس پي آر موجب لڪي ۾ به سڪيورٽي فورسز آپريشن ڪيو، جنهن دوران هڪ دهشتگرد مارجي ويو.
فائرنگ جي ڏي وٺ ۾ نائيڪ ظفر اقبال ۽ سپاهي حاجي جان شهيد ٿي ويا.
پاڪ فوج جي ترجمان چيو ته ڊي آءِ خان جي علائقي ڪلاچي ڌماڪي سبب 39 ورهين جو حوالدار شاهد اقبال شهيد ٿي ويو.
آءِ ايس پي آر موجب سڪيورٽي فورسز دهشتگردي جي خاتمي لاءِ پرعزم آهي، جوانن جون قربانيون سندن عزم کي وڌيڪ مضبوط ڪن ٿيون……- Advertisement -
