کهڙا: زمين جي معاملي تان ڀاءُ هٿان ڀاءُ گوليون هڻي مرڻينگ، اسپتال منتقل

کهڙا ويجهو زمين جي مالڪي جي تڪرار تان جوابدار پسٽل جا فائر ڪري پنهنجي ڀاءُ کي مرڻينگ  ڪري ڇڏيو. ڳوٺ علي مراد شيخ ۾ زمين جي معاملي تان جوابدار سينگار ولد انور شيخ پنهنجي ڀاءُ علي ڏنو کي زخمي ڪري فرار ٿي ويو. اطلاع تي پوليس واقعي واري هنڌ پهچي زخمي کي کڻائي اسپتال منتقل ڪيو، جتي کيس طبي امداد ڏني وئي. پوليس جو چوڻ آهي ته واقعو زمين جي مالڪي جي تڪرار تان پيش آيو آهي، وڌيڪ جاچ ڪئي پئي وڃي.