کيس سعودي عرب جي گادي واري هنڌ رياض ۾ ولي عهد محمد بن سلمان سان ملاقات ڪري گهڻي خوشي ٿي آهي: وزيراعظم شهباز شريف

وزيراعظم شهباز شريف چيو آهي ته کيس سعودي عرب جي گادي واري هنڌ رياض ۾ ولي عهد محمد بن سلمان سان ملاقات ڪري گهڻي خوشي ٿي آهي. وزيراعظم سوشل ميڊيا تي هڪ پيغام ۾ چيو ته ملاقات ۾ واپار، سيڙپڪاري ۽ اقتصادي سهڪار کي وڌيڪ هٿي ڏيڻ جي قدمن تي بحث ڪيو ويو. وزيراعظم چيو آهي ته ٻنهي ملڪن ڊگهي عرصي تائين ڀائراڻا لاڳاپا مضبوط ڪرڻ جي پنهنجي عزم کي ورجايو. وزيراعظم سعودي ولي عهد جي بي مثال حمايت تي به ٿورا مڃيا. شهباز شريف چيو ته هو ٻنهي ملڪن ۽ عوام جي وچ ۾ گهري ڀائيواري ۽ خوشحالي جي گڏيل ويزن کي اڳتي وڌائڻ ۾ سرگرم ڪردار ادا ڪرڻ تي سعودي ولي عهد جو شڪرگذار آهي…….