- Advertisement -
ڪراچي جي علائقي ڪورنگي ۾ شهرين جي تشدد ۽ فائرنگ ۾ 2 مبينا ڦور مارجي ويا، پوليس جو چوڻ آهي واقعي بابت وڌيڪ جاچ ڪئي پئي وڃي.
ڪورنگي 3 نمبر زمان ٽائون ۾ شهريءَ کان مبينا ڦر ڪندڙ ٻن ڄڻن کي شهرين پڪڙي سخت تشدد جو نشانو بڻايو ۽ فائر ڪيا، ٻنهي کي زخمي حالت ۾ جناح اسپتال منتقل ڪيو ويو جتي هنن زخمن جي سٽ نه سهندي دم ڏئي ڇڏيو.
ٻئي پاسي مارجي ويل مبينا ڦورو عبدالخالق جي ڀاءُ عبدالرحيم ميڊيا کي ٻڌايو ته کين اطلاع ملي ته پوليس وارن عبدالخالق کي گولي هنئي آهي.
سندس چوڻ هو ته عبدالرحمان ۽ عبدالخالق جمعه ڳوٺ جا رهواسي ۽ پاڻ ۾ دوست هئا، عبدالخالق کي 5 مارچ تي عمر تي وڃڻو هو.
هوڏانهن ايس ايس پي ڪورنگي سردار حسن جو چوڻ آهي ته واقعي جي جاچ ڪئي پئي وڃي ، فائرنگ ڪنهن ڪئي ۽ ڪنهن کان ڦر ٿي رهي هئي ان بابت پڇا ڳاڇا جو ع مل جاري آهي.- Advertisement -
