ڪراچي جي علائقي ڪورنگي ۾ ڦر مزاحمت تي هٿياربندن گوليون هڻي شهري کي قتل

ڪراچي جي علائقي ڪورنگي ۾ ڦر مزاحمت تي هٿياربندن گوليون هڻي شهري کي قتل ڪري ڇڏيو، جڏهن ته پوليس جي فائرنگ ۾ ٻه جوابدار به  مارجي ويا. ڪوسٽ گارڊ چورنگي پي ايس او پمپ ويجهو ڦر مزاحمت تي شهري مارجي ويو. پوليس جي پهچڻ تي ڦورن ۽ پوليس ۾ مقابلو ٿي پيو، جنهن دوران فائرنگ جي ڏي وٺي ۾ ٻئي ڏوهاري  مارجي ويا. ڦورن جي فائرنگ ۾ مارجي ويل شهري جي سڃاڻپ خالد جي نالي سان ٿي آهي، جڏهن ته مارجي ويل ڦورن جي سڃاڻپ نواز ۽ سعيد جي نالن سان ٿي آهي. پوليس لاش  کڻائي اسپتال منتقل ڪري ڇڏيا، جتان پوسٽ مارٽم ڪرائڻ بعد شهري جو مڙهه وارثن حوالي ڪيو ويو…….