ڪراچي جي فريئر هال مان 7 سال اڳ گم ٿيل پينٽنگس آرٽس حوالي ڪيون ويون

ڪراچي جي فريئر هال مان 7 سال اڳ گم ٿيل پينٽنگس آرٽس حوالي ڪيون ويون.

فريئر هال ڪراچي ۾ گهوٽڪي جي شهر ڏهرڪي سان تعلق رکندڙ آرٽسٽ سيفي سومرو کي سندس فن پاره واپس ڪرڻ جي تقريب ڪوٺائي وئي.

سينئر ڊائريڪٽر ڪي ايم سي ڪلچر اينڊ اسپورٽس رضا عباس سيفي سومرو جون پينٽنگس سندس حوالي ڪيون.

رضا عباس جو چوڻ هو ته فريئر هال مان پينٽنگس چوري ٿيڻ بابت خبرون من گهڙت آهن، آرٽسٽ سيفي سومرو کي غلط فهمي هئي ته سندس فن پاره چوري ٿيا، هنن 2017 کان سيفي سومرو جون پينٽنگس محفوظ رکيون هيون.

ان موقعي تي نوجوان آرٽسٽ سيفي سومرو چيو ته 2017 ۾ جڏهن نمائش لاءِ پينٽنگس ڏنيون هيون ته هو ان وقت نئون هو، اڄ هو 7 سالن بعد پنهنجا فن پاره ڏسي رهيو آهي.