ڪراچي: حليم عادل شيخ جوڊيشل رمانڊ تي جيل موڪلي ڇڏيو

ڪراچي جي دهشتگردي ٽوڙ  عدالت مبينا ٽائون ٿاڻي جي موبائل کي باهه ڏيڻ واري ڪيس ۾ حليم عادل شيخ کي جڊيشل رمانڊ تي جيل موڪلي ڇڏيو.

اي ٽي سي ۾ مبينا ٽائون ٿاڻي جي پوليس موبائل کي باهه ڏيڻ واري ڪيس جي ٻڌڻي ٿي، جتي رمانڊ پورو ٿيڻ تي حليم عادل شيخ کي پيش ڪيو ويو.

حليم عادل شيخ سنڌي ٽوپي پائي عدالت ۾ پيش ٿيو.

جاچ آفيسر  عدالت کي آگاهي ڏني ته جوابدار  کان شروعاتي جاچ مڪمل ڪئي وئي آهي.

دهشتگردي ٽوڙ عدالت حليم عادل شيخ کي جڊيشل رمانڊ تي جيل موڪلڻ جو حڪم ڏنو.

عدالت ايندڙ ٻڌڻي تي جاچ آفيسر کي چالان پيش ڪرڻ جو به حڪم ڏنو