ڪراچي مئٽرڪ بورڊ جا ملتوي ٿيل پيپر آچر ڏينهن تي وٺڻ جو اعلان

ڪراچي مئٽرڪ بورڊ 28 مئي تي ملتوي ٿيل پيپر 2 جون تي آچر ڏينهن وٺڻ جو اعلان ڪيو آهي. ڪراچي ميٽر بورڊ جي وقتي ڪنٽرولر خالد احسان جاري ڪيل بيان ۾ چيو ته 28 مئي تي ملڪ ۾ يوم تڪبير سبب عام موڪل جو اعلان ڪيو ويو، جنهن ڪري مئٽرڪ جو پيپر ملتوي ڪيو ويو. هن چيو ته ملتوي ٿيل پيپر هاڻي 2 جون 2024ع تي ورتو ويندو. پهرين جون کان انٽرميڊيئٽ جا امتحان شروع ٿي رهيا آهن، جن مان ڪجهه امتحاي  سينٽرن تي هڪ ئي وقت ميٽرڪ ۽ انٽر جا امتحان ٿيندا. 2 جون تي ٿيندڙ پيپر مقرر امتحاني مرڪزن تي ئي ورتو ويندو..