- Advertisement -
ڪراچي جي مختلف علائقن ۾ پوليس ۽ رينجرز گڏيل ڪارروائي دوران پنجن جوابدارن کي گرفتار ڪري منشيات، هٿيار ۽ موٽرسائيڪل هٿ ڪري ورتي آهي.
رينجرز ترجمان موجب، پوليس ۽ رينجرز طرفان منشيات وڪرو ڪندڙن، اسٽريٽ ڪرائيم ۽ ڦر جي وارداتن کي روڪڻ لاءِ اسنيپ چيڪنگ جو سلسلو جاري آهي.
رينجرز ترجمان جو چوڻ آهي ته پوليس ۽ رينجرز دائود ڳوٺ بلديا ٽائون ۽ شر ڳوٺ گلشن اقبال ٽائون ۾ گڏيل ڪارروائي ڪئي.
رينجرز ترجمان موجب، ڪارروائي دوران ڦر ۽ منشيات وڪرو ڪرڻ جي ڪيترن ئي وارداتن ۾ ملوث پنجن جوابدارن کي گرفتار ڪري سندن وٽان 200 گرام حشيش، هڪ پسٽل ۽ هڪ موٽرسائيڪل هٿ ڪئي وئي آهي.
رينجرز ترجمان جو چوڻ آهي ته گرفتار جوابدارن کي هٿيارن، منشيات ۽ ٻئي سامان سميت وڌيڪ قانوني ڪارروائي لاءِ پوليس حوالي ڪيو ويو آهي.- Advertisement -
