ڪشميري عوام جون قربانيون رائيگان نه ويندو : سيد مراد علي شاهه

سنڌ جي وڏي وزير سيد مراد علي شاهه ڪشميري عوام جي آزادي جي جدوجهد کي سلام پيش ڪندي چيو آهي ته ڪشميري عوام جون قربانيون رائيگان نه ويندو، گڏيل قومن کي ڪشميرين کي خودمختياري جو حق ڏيڻ ۾ ڪردار ادا ڪرڻ گهرجي. ڪشميرين سان ٻڌي واري ڏهاڙي تي پنهنجي جاري ڪيل بيان ۾ وڏي وزير مراد علي شاهه چيو ته ڪشميرين تي سالن کان هلندڙ ڀارتي ظلمن جي سخت مذمت ڪريون ٿا، ڪشمير پاڪستان جي جان آهي ۽ هو هر فورم تي ڪشميرين جي حمايت جاري رکندا. هن چيو ته ڪشمير جو مسئلو هر سطح تي اٿارينداسين، سنڌ حڪومت ڪشميري عوام جي حمايت ۾ هر ممڪن قدم کڻندي. وڏي وزير مراد علي شاهه چيو ته ڪشمير جي حمايت ۾ سڄي سنڌ ۾ تقريبون ۽ ريليون منعقد ڪيون ويون آهن، ڪشميرين جي لازوال جدوجهد کي سلام پيش ڪريون ٿا.