ڪمانڊر بحرين نيشنل گارڊ پاران نيول هيڊڪوارٽرز اسلام آباد جو دورو

ڪمانڊر بحرين نيشنل گارڊ جنرل شيخ  محمد بن عيسيٰ بن سلمان الخليفه نيول هيڊڪوارٽرز اسلام آباد جو دورو ڪيو آهي. آءِ ايس پي آر جو چوڻ آهي ته نيول چيف ڪمانڊر بحرين نيشنل گارڊ سان ملاقات دوران گڏيل دلچسپي جي معاملن ۽ ٻه طرفي سامونڊي سهڪار کي هٿي وٺرائڻ بابت خيالن جي ڏي وٺ ڪئي. آءِ ايس پي آر موجب، ڪمانڊر بحرين نيشنل گارڊ خطي ۾ ميري ٽائم سڪيورٽي جي حوالي سان پاڪ بحريه جي ڪوششن جي ساراهه ڪئي. آءِ ايس پي آر جو چوڻ آهي ته جنرل محمد بن عيسيٰ جي دوري سان ٻنهي ملڪن خاص طور سامونڊي فوج وچ ۾ ٻه طرفي لاڳاپن کي وڌيڪ هٿي ملندي.