- Advertisement -
ڪوٽڙي ۾ ڪوهستان راڄوڻي اتحاد طرفان ڳوٺ صوفن جاکرو تي قبضي، پوليس ۽ بااثرن جي مبينا زيادتين خلاف احتجاجي مظاهرو ڪري ڌرڻو هنيو ويو.
ڪوهستان راڄوڻي اتحاد اڳواڻ محمد بخش بروهي، جانو جاکرو ۽ ٻين سيشن ڪورٽ کان احتجاجي ريلي ڪڍي ايس ايس پي ڄامشورو جي آفيس اڳيان مظاهرو ڪري ڌرڻو هڻي نعريبازي ڪئي.
احتجاج ڪندڙن ميڊيا سان ڳالهائيندي الزام هڻندي چيو ته لوڻي ڪوٽ ٿاڻي جي حد ڳوٺ صوفن جاکرو تي بااثر شير محمد مشوري پوليس معرفت قبضو ڪيو آهي.
هنن چيو ته ڳوٺاڻن تي حملو ڪري زخمي ڪرڻ جو ڪيس به داخل نٿو ڪيو وڃي، لوڻي ڪوٽ پوليس ڳوٺاڻن لاءِ ڌرتي تنگ ڪري ڏني آهي.
سندن چوڻ هو ته روينيو معاملن ۾ پوليس مداخلت ڪري رهي آهي جيڪا بند ڪئي وڃي.
احتجاج ڪندڙن اعليٰ اختيارين کان مطالبو ڪيو ته ڳوٺ صوفن جاکرو جي زمين تان قبضو ختم ڪرائي بااثر ۽ پوليس خلاف ڪارروائي ڪري انصاف ڪيو وڃي ٻي صورت ۾ احتجاج جو دائرو وڌايو ويندو.- Advertisement -
