سـِک اڳواڻ پنهنجي قتل جي سازش ڪرڻ تي ڀارتي حڪومت خلاف ڪيس داخل ڪرائي ڇڏيو

سـِک فار جسٽس جي اڳواڻ گرپتونت سنگهه پنون پنهنجي قتل جي سازش ڪرڻ تي ڀارتي حڪومت خلاف امريڪا ۾ ڪيس داخل ڪرائي ڇڏيو. سـِک اڳواڻ گرپتونت سنگهه پنون ڪيس داخل ڪرائڻ جو اعلان پنهنجي وڪيل ميٿو بورڊن ۽ رچرڊ راجرز سان گڏ پريس ڪانفرنس دوران ڪيو. ڪيس ۾ قتل جي سازش ۾ ملوث ڀارتي ڳجهي ايجنسي جي اجيت ڊوول، سمنت گوئل، وڪرم ياديو ۽ نـِکل گپتا جا نالا شامل ڪيا ويا. گرپتونت سنگهه پنون جو چوڻ آهي ته ڀارتي حڪومت ۽ “را” جي عملدارن امريڪا جي سرزمين تي امريڪي شهري کي قتل ڪرڻ جي غير معمولي سازش ڪئي.