گھاري ۾ مقامي ماڻھن ۽ مھاڻن پاران ونڊ پاور ڪمپني جي مبينا زيادتين خلاف احتجاج

گھاري ۾ مقامي ماڻھن ۽ مھاڻن پاران ونڊ پاور ڪمپني جي مبينا زيادتين خلاف احتجاجي مظاھرو ڪري ڌرڻو ھنيو ويو. خان محمد ھديو، حبيب الرحمان، جمشيد ۽ ٻين جي اڳواڻيءَ ۾ ونڊ پاور ڪمپني جي گيٽ اڳيان احتجاجي مظاھرو ڪري ڌرڻو ھڻي نعريبازي ڪئي وئي. احتجاج ڪندڙن ميڊيا سان ڳالھائيندي چيو تھ ونڊ پاور ڪمپني مقامي ماڻھن ۽ مھاڻن جا سمنڊ طرف اچ وڃ جا رستا بند ڪري ڇڏيا آھن جنھن سبب ھو ٻچن جي روزگار لاءِ پريشان آھن. ھنن اعليٰ اختيارين کان مطالبو ڪيو تھ معاملي جو نوٽيس وٺي سندن جائز مطالبا منظور ڪري انصاف ڪيو وڃي ٻي صورت ۾ احتجاج جاري رھندو.