ھالاڻي ۾ مسافرن کان ڦر، متاثرن جو بدامني خلاف احتجاجي مظاهرو

هالاڻي ڀرسان روهڙي ڪئنال وٽ قومي شاهراهه ٽن ڏينهن کان بند هئڻ ڪري هٿياربند ٽن ويگنن جي مسافرن کان ڦر لٽ ڪري فرار ٿي ويا جڏهن ته متاثرن پاران ٿاڻي اڳيان احتجاجي مظاهرو ڪيو ويو. روهڙي ڪئنال وٽ قومي شاهراهه ٽن ڏينهن کان بند هئڻ ڪري گاڏين جون قطارون لڳل آهن. ٽي هٿياربند هٿيارن جي زور تي ٽن ويگنن جي مسافرن کان روڪ رقم، موبائل فون ۽ ٻيو سامان ڦر ڪري فرار ٿي ويا. متاثرن عبدالڪريم شر، عطا محمد منگي، فراز علي لنجار ۽ ٻين جي اڳواڻيءَ ٿاڻي اڳيان احتجاجي مظاهرو ڪري نعريبازي ڪئي. احتجاج ڪندڙن ميڊيا سان ڳالهائيندي چيو ته هٿياربند هٿيارن جي زور تي ويگنن مان مسافرن کي لاهي روڪ رقم، موبائل فون ۽ ٻيو سامان ڦر ڪري فرار ٿي ويا. هنن اعليٰ اختيارين کان مطالبو ڪيو ته مسافرن کان ٿيل ڦر واپس ڪرائي روڊ کولرايو وڃي ته جئين ماڻهو پنهنجي منزل تي پهچن.