1965 جي جذبي کي برقرار رکندي پنهنجي وطن جي دفاع لاءِ تيار آهيون: آءِ ايس پي آر

بچاءَ جي ڏهاڙي تي چيئرمين جوائنٽ چيفس آف اسٽاف ڪميٽي، سروسز چيفس ۽ هٿياربند فوج 6 سيپٽمبر جي شهيدن ۽ غازين کي ڀيٽا پيش ڪندي چيو آهي ته هو 1965ع جي جنگ جي فاتحاڻي وراثت کي فخر سان ياد ڪري رهيا آهن، جيڪا قوم جي ناقابل شڪست ارادي ۽ اٽل جذبي جو مثال آهي. آءِ ايس پي آر جو چوڻ آهي ته هي ڏهاڙو مادر وطن جو بهادري سان دفاع ڪندڙ بهادر جوانن جي قرباني ۽ بهادري کي ڀيٽا پيش ڪري ٿو. آءِ ايس پي آر موجب، هٿياربند فوج پنهنجي پيغام ۾ چيو ته 59 سال اڳ هٿياربند فوج دشمن جي ناپاڪ ارادن کي ناڪام بڻائيندي هڪ تاريخي فتح حاصل ڪئي جيڪا تاريخ ۾ هميشه ياد رکي ويندي. آءِ ايس پي آر جو چوڻ آهي ته 1965 جي جنگ اميد جي روشني هئي، جنهن ڏکي وقت قوم جي عزم جو مثال ڏٺو، فوج سمورن خطرن ۽ چئلينجن سان ملڪ جي بچاءَ لاءِ پنهنجي اٽل ارادي جو ورجاءُ ڪري ٿي. آءِ ايس پي آر موجب، پاڪ فوج قانون لاڳو ڪندڙ ادارن سان گڏجي سيپٽمبر 1965 جي جذبي کي برقرار رکندي پنهنجي وطن جي دفاع لاءِ تيار آهي.