اسرائيلي فوج طرفان غزه جي پٽي تي وحشياڻي بمباري جو سلسلو جاري آهي، 7 آڪٽوبر کان جنگي ڏوهن تي ٻڌل بمباري ۾ شهيد فلسطينين جو تعداد 11 هزار 500 ٿي ويو.
عرب ميڊيا موجب، اسرائيلي بمباري سبب 29 هزار کان وڌيڪ فلسطيني زخمي ٿيا آهن.
اسرائيلي فوج طرفان غزه جي الشفا اسپتال ۽ خان يونس ۾ رهائشي عمارتن تي بمباري جو سلسلو جاري آهي، اسپتالن ۾مريض، طبي عملو ۽ هزاري فلسطيني ڦاسي ويا آهن.
اسرائيلي بمباري سبب الشفا اسپتال جي احاطي ۾ شهيد ٿيل 120 کان وڌيڪ فلسطينين جي ميتن کي اسپتال جي احاطي ۾ اجتماعي قبر ۾ دفنايو ويو.
ٻئي پاسي تل ابيب سان عرب ميڊيا ٻڌايو ته ڏکڻ لبنان مان اسرائيلي علائقي تي ٽينڪن سان حملا ڪيا ويا.
عرب ميڊيا موجب، ڏکڻ لبنان سبب فائر ڪيل ميزائل ڪفر شوبا ضلعي جي علائقي رويسات العلم ۾ ڪـِريا.
عرب ميڊيا موجب، اسرائيلي فورسز ڏکڻ لبنان جي سرحدي ٽائونز مرڪبا ۽ حـَولا تي جوابي بمباري ڪئي.
ٻئي پاسي والاريل اولهندي علائقي ۾ اسرائيلي فورسز جون ڪارروايون جاري آهن.
فلسطيني هلال احمر موجب، اسرائيلي فورسز تي طلوڪرم ڪيمپ تي ايمبولنس کي گهيري ۾ آڻي ڇڏيو آهي، اسرائيلي فورسز ايمبولنسن ۾ موجود زخمين کي گرفتار ڪيو ويو.
فلسطيني هلال احمر موجب، طولڪرم ڪيمپ جي ڀرپاسي ۾ انفرا اسٽرڪچر کي تباهه ڪيو ويو آهي جنهن ڪري ايمبولنسن کي سخت ڏکيائي پيش اچي رهي آهي.
