ٽنڊي غلام علي ۾ ٻن ٻارن جي پيءُ مبينا طور وڻ ۾ ڦاهو کائي آپگهات ڪري ڇڏيو

ٽنڊي غلام علي ۾ ٻن ٻارن جي پيءُ مبينا طور وڻ ۾ ڦاهو کائي آپگهات ڪري ڇڏيو. ڳوٺ ظهور نظاماڻي ۾ ٻن ٻارن جي پيءُ رتنو ڪولهي گهر ٻاھران وڻ ۾ ڦاھو کائي زندگي جو انت آندو. اطلاع ملڻ بعد پوليس واقعي واري هنڌ پهچي لاش کڻائي سرڪاري اسپتال آندو جتان پوسٽ مارٽم بعد مڙهه وارثن حوالي ڪيو ويو. فوتي جي پيءُ ماوجي ڪولهي ٻڌايو ته رات سندس پٽ گڏ ماني کائي اُھو چئي نڪتو ته بابا هو مزدوري تي وڃي پيو ته صبح جو وڻ ۾ ٽنگيل لاش مليو. ھن چيو ته ڪنهن سان به دشمني ناھي، سمجھه ۾ نٿو اچي ته ھن آپگهات ڇو ڪيو