اسلام آباد هاءِ ڪورٽ ايون فليڊ ريفرنس ۽ العزيزيه ريفرنس ۾ مسلم ليگ نون جي قائد ۽ اڳوڻي وزيراعظم نواز شريف جون اپيلون ٻڌڻي لاءِ مقرر ڪري ڇڏيون.
اسلام آباد هاءِ ڪورٽ 21 نومبر تي نواز شريف جون اپيلون ٻڌڻي لاءِ مقرر ڪيون آهن.
چيف جسٽس عامر فاروق ۽ جسٽس ميان گل حسن اورنگزيب تي ٻڌل بينچ نواز شريف جي اپيلن تي ٻڌڻي ڪندو.
خيال رهي ته نواز شريف کي احتساب عدالت العزيزيه ۽ ايون فيلڊ ريفرنسز ۾ سزا ٻڌائي هئي.
نواز شريف احتساب عدالت جي فيصلن کي 2018 ۾ چيلينج ڪيو هو، سندس غير حاضر رهڻ سبب اپيلون خارج ڪيون ويون هيون.
عدالت نواز شريف ٻاهرين ملڪ مان واپسي تي اپيلون بحال ڪيون هيون، نيب نواز شريف جي اپيلن جي بحالي تي ڪوبه اعتراض نه واريو هو…….
