آصف علي زرداري سان برطانوي ھاءِ ڪمشنر ۽ ڊپٽي ھاءِ ڪمشنر جي ملاقات

اڳوڻي صدر آصف علي زرداري سان برطانوي ھاءِ ڪمشنر ۽ ڊپٽي ھاءِ ڪمشنر ملاقات ڪئي آھي جنھن دوران اھم معاملن بابت ڳالھيون ڪيون ويون. پيپلز پارٽي جي شريڪ چيئرمين آصف علي زرداري سان برطانوي ھاءِ ڪمشنر جين ميريٽ ۽ ڊپٽي ھاءِ ڪمشنر سارا موني ملاقات ڪئي. ملاقات دوران اھم معاملن بابت ڳالھيون ڪيون ويون. اڳوڻي صدر، بادشاھھ چارلس جي جنم ڏينھن جي حوالي سان خوشي جو پيغام ڏنو. آصف علي زرداري، ڊيوڊ ڪيمرون جي پرڏيھي وزير ٿيڻ تي نيڪ خواھشن جو اظھار ڪيو. اڳوڻي صدر غزا ۾ اسرائيلي جارحيت جي خاتمي لاءِ برطانيھ کان ٽياڪڙي ڪرڻ جو مطالبو ڪيو. ملاقات ۾ آصف علي زرداري ۽ برطانوي ھاءِ ڪمشنر جين ميريٽ وچ ۾ ٻھ طرفي لاڳاپن کي ھٿي وٺرائڻ بابت ڳالھيون ڪيون ويون. اڳوڻي صدر آصف علي زرداري ۽ برطانوي ھاءِ ڪمشنر وچ ۾ ملاقات جي موقعي تي سينيٽر سليم مانڊوي والا ۽ ڊاڪٽر عاصم بھ موجود ھئا.