ڪراچي جي جمشيد ڪوارٽر واري علائقي ۾ مبينا پوليس مقابلو ، مختلف ڪيسن ۾ گهربل ٽن جوابدار زخمي حالت ۾ گرفتار

ڪراچي جي جمشيد ڪوارٽر واري علائقي ۾ پوليس ۽ ڏوهارين وچ ۾ مبينا مقابلي دوران مختلف ڪيسن ۾ گهربل ٽن جوابدارن کي زخمي حالت ۾ گرفتار ڪرڻ دعويٰ ڪئي وئي آهي. پوليس جو چوڻ آهي ته زخمي حالت ۾ گرفتار جوابدارن ۾ سيد باسط زيدي، محمد نعيم ۽ روهت قمر شامل آهن. پوليس جو چوڻ آهي ته گرفتار ڪيل زخمي ڏوهارين کي اسپتال منتقل ڪيو ويو آهي. پوليس جو وڌيڪ چوڻ آهي ته گرفتار ڪيل ڏوهاري مختلف ڪيسن ۾ گهربل هئا.