سڪرنڊ : پوليس مقابلي دوران هڪ ڦوروءَ زخمي حالت ۾ گرفتار

سڪرنڊ پوليس مقابلي دوران هڪ ڦوروءَ کي زخمي حالت ۾ گرفتار ڪري سندس قبضي مان هٿيار هٿ ڪرڻ جي دعوى ڪئي آهي، پوليس جو چوڻ آهي ته کڏهر روڊ تي ڏوهه جي ارادي سان بيٺل ڦورن سان مقابلو ٿي پيو، فائرنگ جي ڏي وٺ دوران هڪ ڦورو کي زخمي حالت ۾ گرفتار ڪيو جڏهن ته سندس ٻه ساٿي اونڌاهي جو فائدو وٺي فرار ٿي ويا. پوليس موجب، زخمي حالت ۾ گرفتار جوابدار جي سڃاڻپ محمد سرور عرف سرو سولنگي طور ٿي، سندس قبضي مان  هٿيار هٿ ڪري کيس علاج لاءِ اسپتال منتقل ڪيو ويو. پوليس موجب، گرفتار جوابدار جو  ڪرمنل رڪارڊ چيڪ ڪيو پيو وڃي جڏهن ته فرار جوابدارن جي گرفتاري لاءِ ناڪابندي ڪئي وئي آهي.